Ato ni. . . .

Isang Silip sa MSU-IIT

Ang Mindanao State University Institute of Techonology o mas kilala sa tawag na MSU-IIT ay isa sa mga bantog na unibersidad dito sa Pilipinas. At ang pagpasok sa unibersidad na ito ay isang napakalaking karangalan sa mga mag-aaral dito. Hindi lamang kilala ang paaralang ito sa magagaling at matatalinong estudyanteng nag-aaral dito kundi pati rin sa paggawa ng mga estudyate na masasabi mo talagang maipaglalaban mo sa mga pinakamagagaling. Ngunit ang pag pagpasok sa paaralang ito ay may kaakibat ding responsibilidad na dapat mong pagkakatandaan. Halika at pasukin natin ang mundo ng MSU-IIT.

Ang mga offered courses ng MSU-IIT ay nahahati sa walong pangunahing colleges. Ito ay ang College of Arts and Social Sciences o CASS, College of Business Administration and Accountancy o CBAA, College of Education o CED, College of Engineering o COE, College of Science and Mathematics o CSM, School of Computer Studies o SCS, School of Engineering Technology o SET, at ang College of Nursing o CON. Ang bawat colleges ay may isang dekano. Habang ang unibersidad ay may nag-iisang chancellor at ito ay si Dr. Sukarno D. Tanggol. Ang MSU-IIT ay kilala rin sa mga gradong "smiling singko" o ang mga bagsak na grado. Ang mga gradong ito ay mas pamilyar sa mga estudyanteng kumukuha ng asignaturang Matimatika at Science. Ngunit hindi ka naman makakakuha ng gradong ito kung mag-aaral ka lang ng mabuti, di ba? Mapapansin din natin ang mga anyo ng mga estudyante kung ano ang kanilang kurso. Kung nakaputi lahat, nursing student yan. Kung may pagkasosyal naman taga-CASS o CBAA yan. At kung may pagkanerd naman ay taga-COE o CSM yan. Mas marami kapang mapapansin kung ikaw na mismo ay nag-aaral na rito. Hindi rin mawawala ang mga profesor na sinasabi nilang "terror" dahil ito ay istrikto at maliit mamigay ng grado. Siyempre naman, sino ba namang guro ang hindi ka bibigyan ng maliit na grado kung sasabihan mong terror siya? Ang totoo niyan ay mataas lang talaga ang ipinapakitang istandard ng mga gurong ito upang makahanap ng karapatdapat na mag-aaral na magkakamit ng mataas na grado at kung pwede pa nga ay uno. Pagdating naman sa peace and order ng unibersidad ay nandiyan ang mga gwardiya na walang sawang nagbabantay sa buong kampus. At sa kalinisan naman nandiyan ang mga janitor. Siyempre ang kalinisan ng kampus ay unang nakasalalay sa mga mag-aaral at sa totoo lang ay malinis talaga ang kampus dahil sa disiplinado ang mga mag-aaral sa pagtatapon ng mga basura. Ngayon naman ay pumunta naman tayo sa akademiks. Ang isang term ay may tatlong pangunahing pagsusulit. Ito ay ang prelim exam, ang midterm exam, at siyempre ang final exam. Sa isang taon ay may tatlong term isa na rito ang summer term. Sabi nila marami talaga ang nahihirapan pagdating sa akademiks lalong-lalo na kapag Matimatika at Science na ang pag-uusapan. Pagdating na sa mga exam, sabi nila ay pangtanggal utak daw talaga sa hirap. At ang pinakasikat na linya ng mga estudyanteng "there's no sweat, just blood" na nangangahulugang hindi ka nga pagpapawisan ngunit dudugo ang ilong mo sa hirap ay talagang sikat. Ngunit hindi naman talaga magiging ganito kahihinatnan kung mag-aaral tayo ng mabuti. Kailangan lang natin ng disiplina sa sarili upang makamit ang ating gustong makuha. Sino ba namang hindi gustong magtapos ng may Latin honors pa? Ang tagumpay sa pag-aaral ay nasa kamay ng mga estudyante kung ito ay kanilang pagbubutihin. Hindi lang dahil gusto nilang grumaduate kaya sila nag-aaral kundi nag-aaral sila upang maging karapatdapat na mag-aaral na nakapagtapos sa MSU-IIT. Hindi lang naman puro pag-aaral sa MSU-IIT. Kung interisado kang sumali sa mga grupo ng mga mag-aaral ay may marami kang mapagpipilian. Ang ilan sa mga kilalang student groups ay ang International Performing Arts Guild o mas kilala sa tawag na IPAG ay tumatanggap ng mga miyembrong magaling sumayaw, kumanta, at may karanasan sa teatro. Nandiyan din ang Octava Choral Society kung ikaw ay magaling kumanta. Ang Lions Cheerleading Squad kung ikaw ay may karanasan sa pagsali sa mga cheerdances. At marami pang interisanteng mga programa. Ang IPAG at ang Octava Choral Society ay ilan sa mga grupong nakapagtanghal na sa ibang bansa at karapatdapat talagang ipagmalaki. Hindi din nating kailangang ipukos lahat ng atensiyon natin sa pag-aaral siyempre ay dapat din tayong maglibang. At ito ay mapupunan sa pagsali sa mga nasabing programa. Ang MSU-IIT ay hindi lang naman isang paaralang nagpupukos lang sa pag-aaral ng mga mag-aaral kundi pati rin sa kanilang kasiyahan at kabutihan. Kaya hindi kalang magaling sa pag-aaral magaling magaling ka pa sa pakikisama sa iba. Sa MSU-IIT iyong kagalingan ay kanilang hahasain upang iyong kinabukasan ay gaganda rin.

Ang MSU-IIT bilang isa sa mga bantog na unibersidad sa bansa ay isang pampublikong unibersidad ngunit may ilan paring pagsusulit upang makapasok, ay nagbibigay ng mataas na antas ng edukasyon sa mababang halaga. Nakatipid ka pa magiging magaling ka pa. Hindi man sa pagmamayabang ngunit ang MSU-IIT talaga ang maituturing nating pinkabantog na paaralan dito sa Iligan City o kahit nga sa Mindanao. Pagdating naman sa paghahanap ng trabaho, sabi nila iba talaga kapag graduate ng MSU-IIT mas madaling makuha. Wala naman tayong magagawa kung mataas talaga ang tingin ng mga establishimyento sa mga taga-MSU-IIT. Ang dapat lang nating gawin ay maging karapatdapat upang hindi mapahiya. Hindi dapat lalaki ang ulo, maging mapagkumbaba parati, at higit sa lahat ay matuto sa ating mga kamalian. Bawat mag-aaral ay pangarap na makapasok sa bantog na paaralan na ito. At ito ay kaya mong abutin kung ito ay iyong pagsisikapan. Walang sawang pag-aaral at huwag kalimutang humingi ng tulong sa Panginoong Maykapal. Ang MSU-IIT ay isa napakagandang paaralan. Hindi lang maipagmamalaki dito sa ating bansa kundi pang world class talaga.

                                                                            

                                                                      Ipinost ni: Unabia, Queena Blaire B.   
                                                                                        BSE PHYSICS 1